23:58 Eger seni söýmedik bolsa | |
 EGER SENI SÖÝMEDIK BOLSA Şahyr Bibi Orazdurdyýewa üçin “Seniň söýgiň gurşundanam agyrrak” Atamyrat Atabaýew (“Seniň söýgiň”) Ýaş ýürekler eräp süzülmezdi hiç, Ak kagyza iki beýt çyzylmazdy hiç, Guýma gurşun duýgyň yrylmazdy hiç, Atamyrat çyn ýürekden söýmedik bolsa. Poeziyadan özgä gul bolarmydy, Öz öýünden başga ýerde garbanarmydy, “Hökümdar” körpäňden gabanarmydy, Eger seni çyndan söýmedik bolsa. Ýary gije gapyňy kakarmydyk biz, Törüňize arkaýyn geçermidik biz, Noýbalyja unaşyň içermidik biz, Ýeňňe, agam seni söýmedik bolsa. Söýgi hakda ýazdy birnäçe kitap, Seni hem taryplandyr şetdatdan şetdat, Meger, goşgy ýerne görerdiň hupbat, Eger seni çyndan söýmedik bolsa. Gyz-gelni taryplap ýazsa-da şygyr, Ondan ikilik çykmaz, hiç eger-eger, Ýogsa, tapylardy bir arabozar, Eger seni çendan söýmedik bolsa Dostlary bolarmydy şeýle sypaýy, Çagalaryň bormudy şeýle wepaly, Ömrüňiz geçermidi şeýle sapaly, Eger ol seni çyndan söýmedik bolsa. Indi ol ýaş oglan däl, sen hem nowjuwan, Söýgiňiz alawlasyn dowamat dowam, Ol ne Şahyr bordy, sen ne şahyr zenan, Eger ol seni çyndan söýmedik bolsa. © Kakajan BALKANOW | |
|
| |
| Ähli teswirler: 0 | |