Name: Gündeligimden
Item: Gündeligimden
Author: Bagabat

Baş sahypa » » Gündeligimden

04:26 Gündeligimden
GÜNDELIGIMDEN On iki gün mundan öñ. Hakyt düýşüme girdiñ. Niredigini-hä bilemok. Öz-ä köpçülik ýer. Saçak ýazlan, emma bezelmedik. Saçy bulam-bujar, dili agzyndan çykyp duran biri, aýalmy- erkekmi bilmedim, elini salgap saçak başyna çagyrýar meni. Üýşensem-de barýan. Geñ zat. Gapydan sen girýäñ. Syrdam göwräñ eglen.Sag gözüñ kör bolupdyr. Eliñ hasaly. Keýtikläp saçak başyna geçdiñ. Gyýaklygyna oturdyñ. Görmeýän gözüñ maña seredýär: "Hiç zat iýme" diýdiñ, her näçe ümleseñ-de, bir görsem-ä aýal ýaly, bir görsemem erkek ýaly dilini çeýnäp oturan birzada añkaryp, iýmeli däldigimi bilibem iýdim.. Sen hüñürdäp, zordan süýrenip turduñ-da agsaklap ýöräp ugradyñ. Seniñ agsaýşyña ýüregim gyýylyp, pyçak bilen dilnen ýaly boldy, eliñden tutup söýget bolup saña dik ýöremäge kömek bolmak üçin alñasadym.. Eleşan bolsa gäwüşäp dur beýleräkde.. On gün mundan öñ Bu gün men mejbury ýagdaýda köp gürlemeli boldum.. ýatlamaly däl zatlary-da, ýatlamaly däl adamlary-da ýatlamaly boldum...Hawa mejbury ýagdaýda... Bu gün on iki gün mundan öñ düýşümde agsaklap, zordan süýrenip geleniñ, meni saçaga çagyranyñ nämedigine göz ýetirdim.. Geñ zat. Men hakyt şu güni on iki gün mundan öñ düýşümde gördüm.. 11.12.2022.ý.
1 2 3 4 5 Bölümler: Hekaýalar \| Görülen: 146 \| Mowzugy paýlaşan: Medicall \| Teg: Nurdan \| Рейтинг: 5.0/3

Похожие материалы

Awtoryň başga makalalary

Ähli teswirler: 9
Порядок вывода комментариев: 2 1 Bagabat • 10:46, 12.12.2022 Gowy. Intrigalyja. Sorag döreýär: "Kimkä o 12 gün mundan öň düýşde görlen, agsak?". Käbir harp ýalňyşlyklary: 1.Üýşensemde - Üýşensem-de; 2.egilen - eglen; 3.Gyýaklygna - Gyýaklygyna; 4.üm atsañ-da - ümleseň-de; 5.hüññürdäp - hüñürdäp; 6. gyýylyp - gyýlyp; 7. dilinen - dilnen; 8.alñasadym.. - iki sany nokat gidipdir; 9.gäwşäp - gäwüşäp; 10. boldum.. - iki nokat gidipdir. Eger-de köp nokady aňlatmakçy bolsaň, üç nokat yzba-yz goýulýar. "Meniñ seniñ agsaýşyña ýüregim gyýylyp, pyçak bilen dilinen ýaly boldy, eliñden tutup söýget bolup saña dik ýöremäge kömek bolmak üçin alñasadym.." diýen sözlemde "Meniň" diýen söz artykmaç. 0 2 Medicall • 11:54, 12.12.2022 Sagboluñ Agam, Alla ýalkasyn, düzetdim. 1 3 Мango • 15:07, 13.12.2022 ol agsakdanam beter, seni saçaga çagyran dilini agzyndan çykyp duranyň kimligi bilesiňi has getirdi. nämede bolsa agsak - položitel, kimligi näbelli - otrisatel duýgy oýardy. hekaýajygam gyzyklandyrdy. dowam. üstünlikler. 2 4 Pero • 16:18, 09.01.2023 Hakykatdanam düýş bolsa-ha düýşiñi halamadym,aýaldogan! Agsak-ha gowy adam. Emma ol dilini çeýnäp otyrany bilamadym. 1 5 Medicall • 16:25, 09.01.2023 Gündelige diñe hakyky zat ýazmaly, fantaziya goşmak bolanok bolya bolsa, düýş hakykydy aýaldogan,gören wagtyñ ýorup bolmaýar, ýöne käbir düýşler şeyle tiz hem aýdyñ amala aşanda düýş diýilýän zada haýran galýañ.. Geçen geçdi, bar zat gowy, Alla Şükür! 0 6 Medicall • 16:30, 09.01.2023 Aýtmaýyn-daý kimdigini,) Size-de üstünlikler, Alla ýalkasyn! 0 7 Medenýet • 23:52, 21.01.2023 Syrdam göwresi egilen agsk kör ýaş adammy eger ýaş adamy düşüňde garran ýagdaýda görseň gowy bolýara diýýäler.ýok bu hakykatdanam gündeligiňdenmi özi 1 8 sussupessimist • 11:00, 21.01.2024 Yormaga synanyşayyn. Ol agsaklayan – ayagyny gyşyk basany ücin agsaklayar. Dilini sallap, eleşan bolup oturanam - munuň duz-emek bolup, ya duzuny iyip yören adamy (ya adamlary)... 0 9 Medicall • 12:28, 21.01.2024 Ol agsaklaýan aýatda diri däldi, ýöne meñ gözlükäm görmedik zadymy aýtjak, düşündirjek bolup meñ golaýymda kimdir biriniñ dönükdigindenem beter göribilmezdigini duýdurjak bolup, ýaýnanyna, 12 gün soñ doly düşündim, şonda-da düýşi gören günüm bir zatlaryñ dogry gitmeyanine düşünip ugradym, düýşdäki saçak başyndakyñ kimdigini añşaryp ugradym we guruljak duzagyñ öñüni alyp ýetişdim... Realda ol syrdam boýlyñ keşbinde kemi ýokdy-da ýogsam, geñ ýeri "ölä aýan, dirä güman" diýilýanini her haçan maña duýduryp durmagunda)

запомнить
Забыл пароль \| Регистрация

E-mail:
Пароль: