Name: Habar
Item: Habar
Author: Saryýew

Baş sahypa » » Habar

11:35 Habar
HABAR... Eje, men bir dünýä düşdüm, Dünýä diýseň, dünýä eken! Munda müşkler ilki kükäp, Gunçalar soň düwýän eken. Eje, men bir kümä düşdüm, Sähel ýele yranaýýar. Şony gören günüm weli, «Ol — köşk» diýsem, ynanaý-da! Eje, men bir guýa düşdüm, Suw guýýaryn gözlerimden... «Çyk» diýme, çuň ol, eje jan, Meniň ýaly döz gelerden. Eje, men bir ýola düşdüm, Adam ýok, ikijigimiz... Biri-hä öz gyzyň, eje. Birem — ogly ejesiniň. Eje, men bir joşa düşdüm, Begenjimden aglap, ýöne. Eje, men bir oda düşdüm, Ýanýan... Tenim abat ýöne! © Aýgül BAÝADOWA
1 2 3 4 5 Bölümler: Goşgular \| Görülen: 111 \| Mowzugy paýlaşan: Aygul \| Teg: Aýgül Garaýewa \| Рейтинг: 5.0/3

Похожие материалы

Awtoryň başga makalalary

Ähli teswirler: 7
Порядок вывода комментариев: 2 1 Saryýew • 22:36, 23.04.2023 Eje, men bir oda düşdüm, Ýanýan... Tenim abat ýöne! Goşgy okyjynyň kalbyny hem ýakyp barýan ýaly. Özem ol ot - suw bilen söndürip bolmaýan, höre-köşe edip bolmaýan ot... 1 2 Мango • 07:18, 24.04.2023 Eje, men bir ýola düşdüm, Adam ýok, ikijigimiz... Biri-hä öz gyzyň, eje. Birem — ogly ejesiniň. Ejesiniň gyzynyň we ejesiniň oglunyň ýoly ak bolsun. Gowja kaýyllyk goşgusy. Ýeke guýuly ýere düşünmejek boldum: “Eje, men bir guýa düşdüm, Suw guýýaryn gözlerimden...”. Berekella Aýgül hanym. 0 3 Bagabat • 09:57, 24.04.2023 . 0 4 Aygul • 14:30, 24.04.2023 Arzuwyňyzam hasyl bolsa... 1 5 Pero • 16:54, 24.04.2023 Like+like+like=LOVE Her gezek okamda,tikenejik emele gelýä:) Bagt şeýle zat-da. Emma mydama saklap bolanok-myhman ol. Aram-aram görünip gidýä. Belki diñe durnuksyz duýguly şahslarda şeýle bolýandyr. Kä wagt-a bir kebelejigem bagt,käte-de bütin barlyk hiç zat. 1 6 Saryýew • 19:27, 24.04.2023 Bagabat agamyzyň gül çemenleri köpräk ýalymy?! Ýa göwnümemikä?!)) 0 7 lirika • 15:48, 25.04.2023 ,,Ol-kösk" diýsem, ynanaý-da -birhili öz käbäñ aýdan her bir sözleriñe ynanmaýan ýaly duýulýarmy?! Ikijigimiz-ejesiniñ rifmalasmaýan ýaly...

запомнить
Забыл пароль \| Регистрация

E-mail:
Пароль: