13:24 Saña hat | |
 SAŇA HAT Salam! Bu haty “saňa hat” diýip ýazsamam kime ýazýanymam bilemok. Sebäbi muny dostuma niýetledim başynda, ýöne birinjiden dosta munuñ ýaly hat ýazylmaýar, ikinjiden indi dostluga bil baglamak kyn, üçinjiden men dostum diýip, salgysynam ýalñyş ugratsam birden?!. Umuman: "sowal köpde jogap ýok" diýen ýaly-da. Bir söze düşünesim gelýär şu mahal: “süýtde agzy bişen suwy üfläp içer” diýip ýadygär aýdyp gidipdirler ata-babalarymyz. Şol nakyl nädip döredika?! Dogrudanam “süýtde agzy bişen suwy üfläp içer” diýenlerinde süýt agzyny ýakansoň aýtdylarmyka ýa adam hasaplanlary ýakansoň aýtdymykalar agyzlaryny?! Agzyny bişiren wagtam ýönekeý suwa däl-de ak süýde deňäp aýdypdyr özlerem, arassa eken ýürekleri sebäbi. Ýogsa suwda agzy bişen süýdi üfläp içer diýibem bilerdiler-a hä?! Ýene bir gyzykly gürrüň bar il içinde: “item gitdi, ýüpem” muňa nähili düşünýäň sen hä?! Itiň öz gideni gideni, ýüpi alyp gitmesi bolmandyr. Itiň gideni gynandyryjy däl, ýüpi alyp gitmesi gelişmändir şonda. Boýny ýüpli gitmeli däl-dä. Ýüpi ýerinde goýup özi gidäýmeli eken. It kän, kyn däl tapmak, emma her bir ite täze ýüp satyn aljak bolsalar aňsat däl-ä. Aslynda saňa hat ýazamda hijem bulary ýazmakçy däldim, gowulyklary gürrüň bermekçidim. Ýöne bilmedim ýüregimdenem, pikirimdenem diňe şular geldi şu mahal. Wii, bu diýenimem ýene bir nakyly ýatlatdy: “ deñisde näme bolsa çeňňege-de şol düşer”, hakykat eken olam, menem syýadyr öýdüp ýelegi ýüregime batyrypdyryn-da, diňe şular çykdy ondanam. Isleseň senem ýüregiňe hat ýazylýan ýelejigi batyryp göräý, şundan gowy zat çykmaz bu hatymy okaňsoň. Saglygyň! 28.09.2024 ý. 13:13 © NURDAN | |
|
| |
| Ähli teswirler: 0 | |