00:45 Şemally öýüm | |
 ŞEMALLY ÖÝÜM Meň üçin şemal bilen örtüler öýler Şol bir adamyň adyny agzar Howlularda agaçlar çawuş çakyşar Her kim taýyn ertir üçin Nägile bakýan ýyldyzlara ýylgyrýan Saňa okajak goşgym kagyzda eplenen Barybir göni okdurylar ýüregiňe Köçelerde seni idän didelerim Gyşyň astynda galan garlardan aşyp Ýagtylyga dolan öýden tapardy Eý şahyr, adamlar seň bilen söýerdi Şemala bürenen daglar hem Tolkuny ýaşadýan deňizler hem Goşgymyň duýgularynda sen Ýüregimiň ösüntgisi we köki We daragty we söýesi Bir dünýä sygmarys biziñ ikimiz.. Ukusyz gözleňden akan damjadym Ýeke tans oýnaýan ýeldim köňlüňde Ýüpekden örüldi ýaňadan çydam Batmadym demir deý çuňňur kölüňde Öýkelek demiňden tapdym ýaşaýyş Sesiň kenarynda düşlän sowal men. Seň bilen öwüsýän; ne gar, ne ýagyş Diňe kalbyňdaky ýeke howaň men. Uzak bakyşlaňda nemlenýän ötünç Dideleň ýumulsa kirpikleň sesi. Ganatsyz höwese täze başlangyç Düýnümiň ruhunyň täze ertesi. Gel bile ýazaly aýdymlary biz Guraksy duýgyny öwürip yşga. Bir dünýä sygmarys biziň ikimiz Bir kalba sygýarkak, gerekmez başga. * * * Köprüler typýar aýagymyň astynda Şäheriňe akýan derýadym çasly Gözbaşymy gözleýän ýörän ýodaňda Çalygan köňlümiz çygjaryp öwser Ýapyşýardym gol uzadýan şahadan Şäher agaçlary tanaýar meni Ýelkeni ýatladýan kalbym bilen Şäheriň damar deý köçelerinde Gan kimin akýardym jan berýän ýaly Ýakynlaşýan bir ýere, mähirli ýere Salgy berýär maňa binalar, guşlar Ýetip barýardym, ynhady, gelipdim Tolkunlarym ulaşan deý ýürege Şäheriň kalbyna gowşan deý derýa "TÖWEREK ASUDA" Töwerek asuda Taýyndy zemin Ot ýanýardy suwda Agyr terezim Götererden ejiz ýekäniň çaňyn Ejir ýeňil, hezillikler agdykdy Hemlesi ýumşakdy, galkany demir Duýgymyň töründe ýyldyrym çakdy Saklan indi gaharymyň özeni Özgäniň däl, meniň ruhumy gemir Bedenim ebedi, ruhum ezeli Ýekelik jan berýär guran göwnüme Adamlardan gyra süýşen bakyşlam Köpçülik içinde özün agtarýar Nähili süýji bu ýekäň tozgasy Duýgyň pikirlerden juda ozmasy Töwerek asuda Ümsümdi zemin Iň kyny ýüregiň ganap ýazmasy © Seýran OTUZOW | |
|
| |
| Ähli teswirler: 2 | |
|
| |
