Name: Galam
Item: Galam
Author: Mergenowna

Baş sahypa » » Galam

22:07 Galam
GALAM Kim oýlap tapanam bolsa, Iň ilkinji gezek seni. Bilýärmikän, bilýärmikän, Dürli reňkde boljagyňy. Hemem has kämilleşjegiň... Başda-başda harpy harpa, Birikdiren bolaňda-da. Başda-başda kalby-kalba Höwrükdiren bolaňda-da... Bu zatlar geçmişde galdy. Galdy seniň gök syýaňda Ýazylan ähli kitaplar, Şygyrlar, Şygarlar... Dil dymyp, ýazan sen ahyr, Söz dömüp, çogan sen ahyr, Şahyryň şygryn kagyza, Sazandaň notasyn kagyza, Pýesaň sözün kagyza, Geçiren sen, Göçüren sen... Indi bu gün, näme dymýaň, Çykdy diýip ruçka bary, Çykdy diýip kompýuter, Çykdy diýip klawiatura. Hawa, bu şeýle-le welin, Bar zat çalt özgerýär welin, Ýitäýýä-dä tehnologiýa, Gidäýýä-dä tehnika-da... Ýöne, ine, sen ýazaýsaň, Sen çyzaýsaň, Sen syzaýsaň... Ne gider, Ne ýiter, Ne biter... © Gurbanmyrat SARYÝEW
1 2 3 4 5 Bölümler: Goşgular \| Görülen: 130 \| Mowzugy paýlaşan: Saryýew \| Teg: Gurbanmyrat Saryýew \| Рейтинг: 4.7/3

Похожие материалы

Awtoryň başga makalalary

Ähli teswirler: 8
Порядок вывода комментариев: 0 1 Mergenowna • 09:03, 08.05.2023 Galamyñ ýazanyn pozmak añsat, ruçka bn ýazylan pozulmaýar dälmi?! 0 2 Mergenowna • 09:04, 08.05.2023 Syýa suratdaky galam däldira??? 0 3 Mergenowna • 09:10, 08.05.2023 Jemlemede aýdasy gelen pikirini açyk aýdyp bilmändir Saryýew!!! Jemleme gowuşgynsyz, ysgynsyz. Täzelik etjek bolşuny halaýan welin, Bir zatlar ýetenok ýalak, ýazanlammy göwnüñe alman üstünde işleseñ gowy şahyr çykar Saryýewden 0 4 Saryýew • 11:54, 08.05.2023 Salam. Kyn görmän bellik edip, öz pikiriňizi gysganmaýandygyňyz üçin örän hoşaldyryn! Ýazan goşgym birje adamy seslendirip bilse, bu ýagdaý özüm-dä oňat duýgy döredýär. 0 5 Saryýew • 11:55, 08.05.2023 Gizlin bolmasa siziň kimdigiňizi bilip bolarmy?! 0 6 @Baýram_Bejidow • 12:36, 08.05.2023 Goşgy ,,Galam" hakynda gidýär dogrydälmi? Galam haýsy döwürde gök syýa bilen ýazdyka? Bilesim geldi Saryýew! 0 7 Мango • 13:01, 08.05.2023 pikirimçe üýtgeşik bir goşgy däl. awtoryň bu ýerdäki "galam" diýýäni syýa batyrylyp ýazgy ýazmak üçin ujy ýiteldilen gamyşa diýýän bolmaly (Baýram kakaň soragyna jogap). ýöne, "Kim oýlap tapanam bolsa ...bilýärmikän, Dürli reňkde boljagyňy" diýmesinden çen tutsaň içi grafitli, reňkli grafitli häzirki zaman galamyna diýýän ýalam... bilmedik-dä. "Çykdy diýip kompýuter, Çykdy diýip klawiatura" diýende-de bir hili... komp bilen klaiýe ikisi bir topluma degişli... diýjegim "çykdy klawiatura" geň eşdilýär. 0 8 Aygul • 13:48, 08.05.2023 Bu goşgy Gurbanmyradyň Galam hakda ýazjak gowy goşgusynyň signaly...

запомнить
Забыл пароль \| Регистрация

E-mail:
Пароль: