Owadan, şirin goşgy, Karkarajeke ylhamyñyza bereket, galamyñyza hereket!
Dekabrlaram, ýene-ýene, köp, köp, gaytalanyp, gaytalanyp
görülip durulsun!

"Owadan dünýade owadan ýaşañ!"

Janyñyz sag bolsun!

Soňky bent gowşaksy çykypdyr.

Birinji bendem şeýle.

Galanlary bilen oňuşsa boljak. Dekabr barada güýçli ýazmaly ýa ýazmaly däl. Gyş gowy pasyl, ony harlamak bolmaz.

Yone şu ay, pasyl edebiyatyna düşünemok. Dekabr diyip, may diyip, sentyabr, mart, güyz diyip goşgy yazylmagy... tema gutaryan bolaymasa, gazetlerde-de çap edilip durmaly diyen yaly. Ay, yone meň poeziya düşünişimem yabygorly. Ine "May" hakda Annamuhammet Kirşeniň goşgusy:

Mähriban Maý!

Seniň demiň melhem, mähiriň ýyly,
Seniň iňrikleriň, säheriň ýyly.
Sen— oniki süňňiniň biri bir ýylyň...
Gözellikden alan ýaly iki paý,
Eý, mähriban Maý!

Sende günler has-da eziz görünýär,
Güller görke gelýär, göwünler gülýär.
...Inmesem-de seniň goýnuňda dünýä,
Mümkin bolsa, meni öz perzendiň saý,
Eý, mähriban Maý!

Ýa sen tebigatyň tämiz şygrymy—
Gör, ne beýle badaşypdyr bagrymyz?
Mähir-muhabbetden ýeten ýugrumy,
Mylaýym adyň hem müň bir ada taý,
Eý, mähriban Maý!

Günler geçýär, şeýle ýyndam, säginmän,
Pasyllar çalyşýar, ýyllar säginmän.
...Aňzakdyr epgegiň araçäginde,
Özüň, bir üýtgeşik, mylakatly aý,
Eý, mähriban Maý!

Bu heserli ýürek zol höweslenip,
Ýaşamak isleýär sen dek, islenip...
…Gül Diýarym otyr toýa beslenip,
Aýlaryň içinde sen baýrama baý,
Eý, mähriban Maý!

Gana içip, bahar-ýazyň mährin sen,
Bezeýärsiň meniň köňül şährim sen.
Elbetde, erbet däl, aýlaň ählisem...
Ýöne, nämüçindir sen, göwnüme jaý,
Eý, mähriban Maý!