13:44 Gülki. On ikinji onluk | |
 GÜLKI. ON IKINJI ONLUK Talyp (student) diskotekada gyz bilen tans edip ýörmiş. Birden biziň talybymyz özünden gidip ýykylýar. Ýanyndaky gyz gygyrmaga başlaýar: - Suw getiriň, suw! Bärde biri özünden gitdi... Talyp ýigit ýatan ýerinden gözjagazyny açyp, ysgynsyzja ses bilen: - Bir döwüm çöregem getirsinler-le... *** Huşy gidişen bir garry daýzaň gürrüňi: - Arada Annajemallara diýip gitdim welin, Oguljemallara baraýypdyryn. Barsamam Bibijemal ýok eken… *** Biri öýde işletmek üçin hyzmatkär tutunýamyş. Öý eýesi täze hyzmatkärine işiň şertlerini düşündirip bolandan soň, ýene-de bir gezek gaýtalap aýdýar: - Berk belläň! Biz ertirlik naharymyzy irden sagat 7-de iýýändiris! Gijä galaýmaň! Hyzmatkär: - Men hemmesine düşündim. Ýöne birden gijä galaýsam, nahara mensiz başlaberiň… *** Birinji klas okuwçylary matematikadan sapak geçýärler. Mugallym: - Çagalar! Hany, kim aýtjak iki ikiň näçe bolar? Bir çagajyk oturan ýerinden: - Dört! - Berekella! Me saňa dört sany süýji, dogry jogabyň üçin. - Wah! Süýji berjegiňi bilsem sekiz diýerdimd-a. *** – Doktor, men ölerinmi?! – Dagy näme! *** Haýwanat bagynda ekskursowod adamlary aýlap ýör. Olar piliň ýanyna barýarlar. Ekskursowod: - Buňa bolsa, adamlar, pil diýilýär. Pil Hindistanda ýaşaýar. Piliň kellesinden guýrugyna çenli sekiz metr, guýrugyndan kellesine çenli bolsa, on metrdir… - Beýle zat bolup bilmez!-diýip adamlaryň arasyndan biri gygyrýamyş. - Bolup bilmez, ýöne şeýle ýagdaý kä-wagt bolýar. Mysal üçin 1-nji ýanwardan 1-nji maýa çenli dört aý bar. 1-nji maýdan 1-nji ýanwara çenli bolsa, sekiz aý bar!… *** Baýlaryň AŞgazany agyrýan wagty garyplaryň AÇgazany agyrýar. *** Birine kelläni kesmek arkaly jeza berýäler. Jellat eli paltaly dur. Kellesi kesiljek başyny agaçdan galdyryp soraýar: - Şu gün näçenji gün? - Birinji gün. - Görýän welin, bu hepdämem düzüwli başlajak däl-ow!. *** Biri kellesine ädik geýip, şäherde aýlanyp ýörmüş. Ony polisiýa saklaýar: - Näme kelläň ädikli gezip ýörsüň? - Men her üçünji güni şeýle gezýän. - Bolýa. Ýöne bu gün dördünji gün ahyryn! - Bä-ä, bu gün dördünji gün bolsa, näme üçin men samsyk ýaly kelläm ädikli gezip ýörün-aý? *** Bir adam özüniň 6 aýlyk çagasyny doktara görkezmäge getirýär. - Doktor jan, meniň ogluma eýýäm 6 aý boldy. Ýöne ol hiç gözüni açanok-la? Çagany ünsli synlan doktor: - Görýän welin çagaňyzyň däl-de siziň gözüňizi açmak gerek. Bu çaga hytaýly ýaly-la! *** - Aýtsaňyzlaň, siziň satýan gutaplaryňyz täzemi? - Ýok, etli. Çeşme: http://eyho.8m.net/b-gul12.htm | |
|
| |
| Ähli teswirler: 0 | |