05:32 Gürrüň ber ejeme... | |
 GÜRRÜŇ BER EJEME... ...Kaka, ýene sen giripsiň düýşüme, Gowlugadyr, bu elbetde, gowluga. Bosagada garap durma, üýşenip, Saçlary agaryp giden ogluňa. Megerem, bilýänsiň, saňa aýandyr, Ejemiz hem bu dünýeden gaýtdy... Eger, ony görseň, meniň bu ýanda, Aman gezip ýörendigim aýtgyn! Durmuşda köp zady etdim men inkär, Ýöne, muňa sen başgaça düşünme. Ýeri, aýt, kaka, eýgilikmi-kä, Ejem girenok-la meniň düýşüme? “Bilýän, biweçlige dolanmajagyn, Eý görýär aýalyn, çagalaryny... Unutmaýar aýal doganjyklaryn, Olar hem idäp dur agalaryny... Öýeripdir uly agtyjagmyzam, Oglumyň özünden eşitdim şu gün. Onuň öňküsinden artykmaç zady, Gep däl, bir maşgalaň çekýär keşigin...” Diýip aýt... Bolmasyn, goý, närazy, Bilýäň ahyr, onda näme göwün bar? “Hudaýa şükür...” diý, “Ýagşy...” diý, garaz, Ynandyr, hiç zada däldigime zar... Gürrüň ber ejeme... Diý, kaka, ýene— “Ogluň onda bigänedir öýtme!” “Gara-başnagaý...” diý, “Öz güni bilen...” Emma, ak saçlarym hakda aýtma... © Annamuhammet Kirşen | |
|
| |
| Ähli teswirler: 7 | |
|
| |
