Berlen ýyldyzlary aýyrjak boldym welin bolmady

Azar edinme aýyrjak bolup.
Ine, Güneş dogar welin Ýyzzyl görünmez.
Biraz sabyr et :-)

Bähbit bolsun gynanamok 3,5 ýyldyza nesip etsin

5 setiriň

5000 mañyz tapdym bu goşgudan

Gowy oylanma bolupdyr.òmrüñ bolsun.
Ýöne nämçün añsadyny etjekdigini aýdandan soñ "başaramogy" sygdyrmagy artykmaç bolup dur

Elmydam bolşy ýaly bu ýylam aňsadyny etjek, kynyna gaýratym çatanok - diýýä gahrymanymyz.
Aňsady näme, kyny näme?
Gep gurbanlyk, gurban etmek barada.
Aňsady - goýun gurban kesip, il-güne tagam iýdirmek.
Kyny, gaýraty çatmaýany, başarmaýany, oňarmaýany bolsa - nebsiniň damagyny çalmak (nebsini terbiýelemek).

Daş we iç şekil barada gürrüňi dowam edip bolar.
Mysal üçin biz musulman hökmünde daş şekilimizi derrew oňaryp bilýäs - bu kyn dal.
Tahýa geýýäs, tesbi sanaýas, “elhamdulillah, estagfirullah….” diýmäni öwrenýäs.
Metjide-de gidýäs. Emma jumadan çykan badymyza hiç zat bolmadyk ýaly “ejeň-bajyň-doganyňly” gürrüňlerem edip bilýäs, gybat edýänimizem aňşyramyzok. Içiňi düzetmek - ine bu kyn. Nebisli ýeri, terbiýeli ýeri - kyn.

Türkmen bolmagam, türkmen görünmegem kyn däl. Şekile girmek - mesele däl. Emma, türkmen häsiýetini özüňe ýuguryp bilmek - ine bu kyn.

Adam bolmagam şeýle. Adam şekiline girmek - aňsat. Adamçylyk häsiýetlerine ýugrulmak - kyn.

Ybraýym pygambere-de aňsat bolandyr öýdemok Alladan gelen emri ýerine ýetirmek.
Näme-de bolsa ýaşynyň soňunda diläp alan söýgüli Ysmaýyly… Göz öňüne getireniňde endamyň tikenekleýär. Ysmaýyla aňsat boldumyka pyçagyň astyna ýatmak.
Emma, hemmesi synagdan geçdi. Allaha baglylygyny subut etdiler. Allah-da olardan razy boldy. Gurban goýun bilen çalşyldy.

Musulmanlar üçin agyr bolan bir söweşden gaýdyp gelýärkäler Pygamberimiziň aýdan sözi bar:
- Öňümizde agyr bir söweş bar.
- Bu söweşdenem agyrmy, ýa Resulallah. Ol nähili söweş?
- Nebsimiz bilen söweş.
Bu wakanyň manysyna üns beriň.
Ymmatyna nebis bilen söweşiň bardygyny duýdurýar.
Ol söweş bu günlerem dowam edýär. Biz diri boldugymyzça, soňky deme çenli bu söweş dowam eder.

Hawa. Kyn düşýär nebis terbiýesi.
Her ýyl bolşy ýaly men bu ýylam aňsadyny etdim, goýun satyn aldym, gurban kesdim.
Kynyna welin gaýratym çatmady…
Başarmadym...
Oňarmadym… çalmagy nebsimiň damagyn.

Höwri köp bolsun diyyalermi? Gowy eken aforizm ýaly edil

Öňem biri “sag bol aýdasym gelýär, ýöne aýtjak däl” diýip degişerdi.
Seniňkem şoňa meňzeşräk boldy: “höwri köp bolsun diýýälermi?” diýýäň welin….
“Höwri köp bolsun diýilýär, ýöne diýjek däl” diýen ýaly :-)
Hoş sözüňe minnetdar, Sylapberdi kaka.

Añsadyñ kabul bolsun!
Kynyñam başyna barylar-la nesibede bolsa...
Tüweleme diýesim geldi.)))

Birden çalyp goýber, bismillasyz zatsyz. Aňsat bolar. Hiç kim iýmeýän bolsa, etini paýlamaýan bolsaň. Berekella Mango.

Kabul bolsun gurbanlyklar! Indiki ýyllara saglyk bilen ýetirsin!