Name: Yrym-yrym, ýom-ýom
Item: Yrym-yrym, ýom-ýom
Author: Medicall

Baş sahypa » » Yrym-yrym, ýom-ýom

11:18 Yrym-yrym, ýom-ýom
YRYM-YRYM, ÝOM-ÝOM Ynananym ölmegeý! Yrym-yrym, ýom-ýom. Sen bir çyzma, maňlaý öň, Çyzym-çyzym, ýol-ýol. Dört pasyl, dört gapylar, Bir açyp, bir ýapylar. Meni ýerden tapybam, Uçup ýörme, gon-gon. Tebsiränim, telperim, Mähir silin eňterip, Haýsy ýoldan elteýin, Dumly-duşum oý-oý. Howada ysy süýdüň, Bulutlar tüýdüm-tüýdüm. Birje gezek «Ýaz!» diýdiň, «Ýazma!» diýdiň zol-zol... Ygtykadym, ygrarym! Dünýä ýazyp sygýaryn... Geňleseler dymýanym, Jogap tapgyn zor-zor. Diýgin «Göýä telbe deý, Ýitdi, gitdi, gelmegeý!». Ynanmadyk ölmegeý! Yrym-yrym, ýom-ýom!.. © Aýgül BAÝADOWA
1 2 3 4 5 Bölümler: Goşgular \| Görülen: 144 \| Mowzugy paýlaşan: Aygul \| Teg: Aýgül Garaýewa \| Рейтинг: 5.0/6

Похожие материалы

Awtoryň başga makalalary

Ähli teswirler: 6
Порядок вывода комментариев: 1 1 Medicall • 17:55, 21.04.2023 "Birje gezek «Ýaz!» diýdiň, «Ýazma!» diýdiň zol-zol..." ýazma diýýänçi-da şolaň özi aslynda:), ine şunuň ýaly goşgy okasam poeziýaň jadysyna haýran bolýan. Aýgüliň goşgulary ýürege has ýakyn gelýär, ýetirip duruň. Aýgül! ylham atyňyz büdremesin! 1 2 Medicall • 22:30, 21.04.2023 Aýgül, şu teswirde goýjak ýazgymy Halypa Şahyr Oguljemal Çaryýewa siziñ goşgyñyza ugratdy: Ажайып гошгы. Айгулун гошгулары гыргызларын сейрек хасаплаян ,,айгул" гули ялы айратын ве уйтгешик. Бир гун гелер,-- Ырым-ырым, ём-ём-- Дурун--дурун, эм-эм. .. болар.Устунлик. 1 3 Мango • 22:59, 21.04.2023 Gowja zat bolupdyr. Dört pasyl, dört gapylar, Bir açyp, bir ýapylar… Owadan. Şonam bileňokmy diýmän “Yrym-yrym, ýom-ýom” nirede ulanylýar. Manysy näme? Bir zady, yrymy tasa getirensiräp etmekmi? 1 4 Bagabat • 08:49, 22.04.2023 . 1 5 Балканов • 14:49, 22.04.2023 Örä ajaýyp goşgy. Berekella! 0 6 lirika • 11:12, 26.04.2023 Gosgyñ adyny okamda Seýitmyrat Geldiýewiñ: ,, Yrym-yrym, ýom-ýom eken" gosgusy ýadyma düsüp gitdi...

запомнить
Забыл пароль \| Регистрация

E-mail:
Пароль: