23:14 Ysy gelýär baharyñ | |
 YSY GELÝÄR BAHARYŇ Ýörkäň içinde gülleň, Guş deý saýraýar dilleň, Münüp gerşine ýelleň, Ysy gelýär baharyň. Geň görmäň geçsem serden, Geler öýlänçi birden, Bugaryp ene ýerden, Ysy gelýär baharyň. Duýgulaň ýörmez kösäp, Ýylgyryş bagta sebäp, Dag tarapdan alňasap, Ysy gelýär baharyň. Salamlaşyp Aý bilen, Hiç oňuşmaz al bilen, Duýýan ýürek, aň bilen, Ysy gelýär baharyň. Dünýä indim yşk bolup, Ýaşaň, öçmez keşp bolup, Ýerden, Gökden müşk bolup, Ysy gelýär baharyň. © Ogultäç ORAZTAGANOWA | |
|
| |
| Ähli teswirler: 0 | |