07:57 Duşuşyk | |
 Ýedi ýyl öň aýra düşen juwanlar Ýol boýunda tötänleýin sataşýar. Salamlaşyp, aýak çekip durýarlar (Kalplarda köreýär sönen ataşlar). Hersinde – maşgala, iki-üç çaga... Çekilipdir ara geçilmez diwar; Sözleşdikçe olar daşlaşýar barha (Kalplar bolsa bir-birege uzaýar). Ýigit diýýär: «Bolupdyk biz gögele – Telbe ýaşlyk ham-hyýala ymsynýar; Bagtly indi herimiz ýanýoldaş bile» (Kalplar bolsa bir-birege gysylýar). Gelin diýýär: «Mamla eken ulular – Olar ähli zady bizden öň görýär» Baş atyp, ýylgyryp, hoşlaşýar olar (Kalplar bolsa hünübirýan möňňürýär). © Ýaran ÝAGMYR | |
|
| |
| Ähli teswirler: 2 | |
0
| |
