02:11 Günler geldi, geçdi, sen gelmeýärsiň | |
 Günler geldi, geçdi, sen gelmeýärsiň. Men, elbetde, garaşaryn entekler, Elbetde, çekerin kereşmelerňi. Emma welin bir zat ýadyňda bolsun: Bu günler dolanyp gelmez – Olar kem-kem äkiderler Menden – duýgularymy, Seniňem ýaşlygyňy. Ertir öwezini dolmaz bu günüň: Seniň bir gün berjek suwuň gandyrmaz Meniň şu mahalky teşneligimi. Günler geldi, geçdi, görünmeýärsiň – Jaň edýärsiň uzakdan: Gaýypdan sesiň bilen, Salgym dek keşbiň bilen Suwlaýarsyň kalbymy. Emma welin bir zat ýadyňda bolsun: Ömürboýy söýüp bilmen salgymy – Men bilmeli seniň janlylygyňy: Bedenim syzmaly ýylylygyňy: Ýüregim duýmaly ýürek urgyňy, Ellerim datmaly synalaryňy. “Gelip bilmen” diýip sen aglaýarsyň. Aglama! Her haçan gelseňem men garaşaryn. Senden geçmerin asla! Derdiň çekişerin gamgyn mahalyň, Bagryma basaryn aglan mahalyň. Emma bir zat ömür ýadyňda bolsun: Meni aşyk eden ilki – Gamyň däl, oýun-gülkiňdi: Men seni söýüpdim gülen mahalyň! . | |
|
| |
| Ähli teswirler: 6 | |
0
0
0
| |
