Okaýaň.
Okap otyrkaňam içiňden şo diýip gidip otyrsyň: "Ine şu taýsyny men şeýderdim, bu taýsyny bolsa beýderdim...".
Onsoň içiňden "düzetmäge" diýjek däl, "özüňçelemäge" başlaýaň.
Mysal üçin, men başlardym:

Günde mekdebinden alyp gaýdýanymy bu günem işime getirdim.
7-8 ýaşly "gojajyk" - kisesem odur-budurhana. Barmak gabaraly jäjekler, pökgüjikler, sakgyçdaş...
Hemmesem tüýs şuň ýaşynda bijaý zerur zatlar...

Birdenem, durdum.
Beýtsem, bu meň ertekim bolar. Seňki bolmaz.
Şoň üçinem, degmäli.
Goý seňki bolup galsyn.
Hudaýa şükür, Ýaradanyň sahawaty bilen ynsana aýatda erteki gytlyk etmeýär. Maňa-da öz ertekim tapylar.
Tapylawersin, hernä...

Heh. Hekaýadan hekaýa döräp barýar-aýmy?
Sag bol.
Mähirli duýgulary oýardy.
Öz körpäm gapdalyma geldi-de, arada bir gün diýşi ýaly: "Kaka, düzeljek bolsaň-a düzel! Bolmasa-da şu bolşuňam bolýa!" diýdi-de, ýene ötägitdi:-)

Öňem biriniň diýşi ýaly: "Halysalla bir bellik etmeseň bolmyýandan bolup du:" diýip, tekrarlap ýatsalaram, ady: "Kakaly-ogul" ýa-da "Ata-ogul" ýa-da "Kakasy we ogly" bolsa, ýahşy buladi diýerdim. Şeýtseň ynsan - ataly-ogla-da, ýagyş - ataly-ogla-da degişi bolýandan bolýa.

Serdar kaka, minnetdar seslenmäňe.
adynam üýtgetdim. seňki dogry.
ýazmak diýen zat ýamman kyn zat. araky "kofäň kakasyny" okamda, bu wakany "ýagyşyň kakasynyň gaharyny" ýazaýyn diýip ýüregime düwdüm. şo günlerem sen Hydyr agaň "näme üçin ýazasym gelýär"-ini goýduň. boldy onsoň... ýazda ýazyp bilseň... :-)
ýene-de Hydyr agaň "ýazyjy bolmak üçin däl, at gazanyp meşhur bolmak üçinem däl, ýazasym gelýäni üçin ýazasym gelýär" diýenleri azajyk göwünlik berdi.
ýazyjy bolmak niýetimiz ýok, gazetde çap etdirmek, ganorar almak gaýgym ýok... ýöne ýazasym geleni üçin ýazdym. şoň üçinem bu ýazgymy hekaýa däl-de oýlanmalar bölüminde goýdum.
çagalar geň....
käwagt garaşmaýan zatlaram diýip göýberýäler.
körpäň gowy diýipdir:"düzeljek bolsaň-a düzel! Bolmasa-da şu bolşuňam bolýa!"
Serdar kaka, meniňem düzelmäm kyn bolaýmasa, şu bolşuma galaýaýyn. :-)

Hemingueý: "Haýsydyr bir ýapyşak pikirden (навязчивая мысль, идея) hemişelik dynjak bolsaň, ony kagyza ýaz" diýipdir.
Käte-käte pikirlerdir, sýužetlerem göwnüňe bolmasa, diri ýaly bolup görünýär. Olaryň adamlaň arasynda ýaşamaga mynasyplaryny ýazman, ýagny şo tensiz ruhlara "hat-beden" bermän, olary özgelere ýetirmän unutmaklygyň tozanyna garyp goýberseňem, edil özüňe ýagşylyk eden ýa-da özüňe gowy garaýan adama kembaha garan ýaly, biadyl, biagyry, perwaýsyz äsgermezlik bilen onuň göwnüne degen ýaly bolýar.
Ýazmakda bolsa kimdir biri bilen deň boljak bolmak hökmanmyka?
Özüň bolýaň-da, ýazyberýäň, ýazyberýäň...
Barybir bahany özüňe özüň kesmeýäň.
Özgeler kesýär.
Özüňe ynanyp bolýa, ýazyp bilýändigiňe umyt edip bolýa, özüňden göwnüň geçgin, ýazmakdan eliň sowap bolýa...
Ýöne, ýazasyň gelýärkä, ýazmazlyk bolanok.
Birki günlükde "Ýazylmadyk kitaplaryň kitaphanasy" diýen hekaýa başlapdym. Bu pikirlerem kellede pyrlanyp ýördi. Edil: "Awans haçan berlerkä?" ýaly :-).

Munyň bolsa oýlanma däl. Žanry "hekaýa".

Gowy hekaýa

Ýeriň ýüzünde nakyl kän. Mysal üçin olaryň käbirleri:
1. "Kim gaýkyny söýer kim küýkini" (megerem, on iki synasy sagat adamy söýýän ýok bolara çemeli :-));
2. "Nä işiň Berdi bilen, her kim öz derdi bilen";
3. "О вкусах не спорять";
4. "Aklyň bolsa akyl al, aklyň bolmasa nakyl"...
Umuman kän-dä. Haýsy birini ýazjak? :-).

Gyzam bolsam Dädem maňa "Oglum" diýýädi. Ýadyma düşüp gitdi. Sagboluň!