10:57 Müdire açyk hat | |
 Kän göwni gazetden sowadan müdir, Kän şygryň lezzetin azaldan müdir, Bir söz sygyşmasa göýdük aňyna, Üstün çyzyp, “ýalňyş düzeden” müdir. Göýdük galyp, ösüşi ýek görýärsiň, Aş bersem içinde gylçyk görýärsiň; Garagäz äýnekden dünýä seredip, Elwan gül uzatsam, palçyk görýärsiň. Düşüpdir goluňa bir göwher, haýhat... Ýylmajak bolýarmyň, gyýçagyn gyrdap? Degme bu göwhere, emelsiz ussa: Ömür haklaşmarsyň ony zaýalap. Sözüň ak bazary bolmaly binýat Çolaryp galypdyr Taňrysy gargap; Çünki sen bolupsyň söz bazarynda Mis bilen tyllany saýlajak serrap. Müdir bar goşgymy zibile zyňdy. Beýle gazap maňa düşnüksiz, geňdi; Diýdi: «Meň özümem şygyr çyrşaýan» Hä, boldy! Baryna düşündim indi! Agam, ömrüň nämä ýakyp otyrsyň? Ak kagyza joýa çekip otyrsyň. “Haşal oty aýyr” diýip daýhana, Özüňem setirläp, ekip otyrsyň. «Orunlaryň gowsy orta gürpdedir»― Bu dana pelsepe baýlyk hakdadyr. Şygyr dünýäsinde ortagürplik ýok: Şahyr ýa başdadyr ýa aýakdadyr. Top kimin çeýedir çyndan zehinler, Oňa zulum etmäň, ýüregi zeňler! Ony näçe pylçap ýere ursaňyz, Ol bat alyp şonça ýokary zyňlar. Men her kes bolaýyn: sypaýy, girrik, Belent, pes bolaýyn, semiz ýa arryk; Parhy näme ak ýa gara bolanym: Men şygyr goýaryn bu dünýä parlak! Men dünýä inmedim, gelsem-de pana, Dür tanan okujym! Sende bar tama: Ýüz ýyldanam bolsa sen dünýä inseň, Şonda menem ahyr inerin dünýä! | |
|
| |
| Ähli teswirler: 9 | |
0
0
0
0
| |
