Name: Ruhumy bar zatdan boşatdym şu gün
Item: Ruhumy bar zatdan boşatdym şu gün
Author: Мango

Baş sahypa » » Ruhumy bar zatdan boşatdym şu gün

23:50 Ruhumy bar zatdan boşatdym şu gün
RUHUMY BAR ZATDAN BOŞATDYM ŞU GÜN Ruhumy bar zatdan boşatdym şu gün Başymda-da alada ýok, söweş ýok. Ömrüň galan menzilini sanmaga Hem ony söýmäge zerre höwes ýok. Indi sabry-kararym ýok çykmaga Meýlis keýpi bilen säher düze-de. Düýn obada jaýlap gaýtdym ejemi, Şu gün geldim siziň şäherňize-de. Tukat, soňsuz görnen bu gijeleri Birmahal hilesiz geçirjekdim men. Ýeňles-ýeňles duýgulardan ýeňilip, Şu gün şonuň üçin ejir çekdim men. Oňat işleň başynda-da durmadym, Durmadym ne gohdan, ne jeňden daşda. Belki, şoň üçindir ýagty dünýede Söýen ýokdy meni ejemden başga. Siziňem şäherňiz ýaranok maňa, Meger bärde uzak durmasam gerek. Gözlemeli borun nämedir bir zat Ýitiren, tapmadyk zatlarma derek. O belli, ýüregmiň boşan künjüne Söýgi, mähir gerek gyş dolmaz ýaly. Onsoňam dost derkar ýa bir ýürekdeş, Ölemde meýdime guş gonmaz ýaly. © Kakamyrat ATAÝEW
1 2 3 4 5 Bölümler: Goşgular \| Görülen: 123 \| Mowzugy paýlaşan: Мango \| Teg: Kakamyrat Ataýew \| Рейтинг: 4.3/3

Похожие материалы

Awtoryň başga makalalary

Ähli teswirler: 5
Порядок вывода комментариев: 0 1 Мango • 00:00, 10.03.2023 haladym. "...ýagty dünýede Söýen ýokdy meni ejemden başga". ejeler başga. olar gaz balasynam, garga balasynam şeýle bir söýýäler... olaryň söýgüsi başga. jemleme-de gowy. gamgyn goşgy, ýöne gamgynlyk normasy artdyrylmadyk, ýagny, has beter gamgyn etjek bolmandyr. göwünden çykan setirler. 0 2 Medicall • 15:19, 10.03.2023 "düýn gowy dostumyň kyrkyny sowdum, Bu günem bir toýda boldum tamada" diýýä Çary aga-da 0 3 Medicall • 15:26, 10.03.2023 Öleňsoň-a dirikäň dost bolmasalaram, ýürekdeş bolmasalaram "guş gonmaz" ýaly jaýlan tapylar, "dost" "ýürekdeş" esasy dirikä gerek adama. 0 4 Medicall • 15:27, 10.03.2023 Öň okamandym, gowy goşgy paýlaşanyňyza sagboluň, MANGO! 0 5 LegLek • 16:53, 15.02.2024 Ömrüň galan menzilini sanmaga «Sanmak» «Sanamak» manysynda ulanyljak bolundymyka? Beýle bolsa, awtor öz «Söz ýoýma keseli» makalasyndaky pikirine özi «dönüklik» eden ýaly. Şeýle setirler başga-da bar eken: Şu gün geldim siziň şäherňize-de Ýeňles-ýeňles duýgulardan ýeňilip Siziňem şäherňiz ýaranok maňa Ýitiren, tapmadyk zatlarma derek *O belli, ýüregmiň boşan künjüne

запомнить
Забыл пароль \| Регистрация

E-mail:
Пароль: