05:45 Söýgi ahwaly / duet | |
| SÖÝGI AHWALY Ýaş çopan dowarny depeden synlap, otyr ýaňlandyryp, gargy tüýdügin,— magşugna bagyşlan salam hatyny, ýollaýar saz bilen siňen söýgisin. Onuň ýaňja düzen täze mukamy siňýär sähraň hoştap anbar güllerne. Güllerden düzülen çapraz-çaňňany dakynýar sonarlyk ýüpek tellerne. Ýaşyl teller tolkun-tolkun owsunşyp, gyssanýarlar—olar wajyp habarly, depe-düzden menzil-menzil ýol aşyp, magşuk gyzyň huzuruna barmaly. Säher şemalynyň alyp salamyn, magşuk gyz tolgunýar, duýup mukamy. Ýada salýar alysdaky ýaryny. Kalbyny joşdurýar söýgi wysaly. Batly gelen ylhamyna bäs gelmän, düýnki öýdän keşdesine başlaýar— aşygyna niýetlenen tahýasyn, dürli-dürli nagyş bilen besleýär. Gyzyň kalbyndaky päkize söýgi, öwrülýär aýdymyň notalaryna. Çalasyn barmaklar ol notalary çatyşdyrýar keşdäň aralaryna. Jübüt kalbyň gaýan ajap tahýasy aýdýar bir aýdymy, çalýar bir sazy, Ol söýgi aýdymy, ol söýgi sazy, aşyk-magşuklaryň ýürek owazy. © Kakajan BALKANOW | |
|
| |
| Ähli teswirler: 0 | |