Gowy syn bolupdyr, yhlasyñyza aperin! Alla ýalkasyn!
deñeşdirilen halylar stanokda dokalanmy?!
Diýjek bolýanym ol ýurtlarda-da bizimkiler ýaly el bilen, azap siñdirip dokalan halylar barmyka?! Ýõne biziñ elde dokalan halylarmyza taý geljegi ýokdur-la. Sungat eseri ol hakyky sungat!

elbetde elde dokaýandyrlar.
nämä, gadym döwürde haly dokaýan häzirki zaman stanok bardyr öýdýäňmi?
ýönekeý stanoklarda, el bilen dokalandyr.
ýene bir aýratynlygy bar diýdiler türkmen halylarynyň.
olam, halynyň iki gyrasynyň çitimini tapawutly, has berk dolap çitýärler. manysy: ýyrtylmasyn, gyralary.... has berk bolsun.
beýleki halklar şeýdenok eken.
geň. ýa-da professional.

Hawa, gyradan birinji düwümi ters aýlap alynýar, iki düwüm gyzyl zolagynda. gyra çylaw diýibem gyrasyna gök ýüp bilen berkidýärler, onam her kim gyrany oñaranogam, näçe dokap ýören bolsalar-da gyrany göni alyp gitmek üçinem ussatdanam ussat bolmaly bolýar

şu ugurdan bir professional bilermen-gelnejäň şeý diýeni ýadyma düşdi.
"türkmenler konserwator halk. olar eline düşen zady (eline büre düşen ýaly sypdyrman) üýtgetmän asyrlardan asyra geçirip gelipdir. haly hem şeýle zadyň biri. diňe türkmenleriň konserwatorlygynyň hasabyna gaty-gaty-gaty gadymy nagyşlar üýtgemän diýen ýaly günümize gelip ýetdi..."

menem pikir edýän.... bäh... bu nagyşlar türkmen diýen at döremäkä-de bolan bolaýmasyn.... ýagny, türkmen genjeleriň eline soňradan düşen bolamasyn? olaram berekellasyna, üýtgetmänjik bize çenli getiripdirler... belki???

Men düşmän haly dokan adam-a däl, ýöne biz taraplarda gyz çaga mekdebe baryp barmanka eýýamdan Ejeler halyçajyk ýüwürdip berip dokamagy öwredýärler. Menem şol gyzjagazlañ biridim:) soña baka her mekdep kanikulda gyzlar bilen bäsleşip dört bolup dokalýan halylary dokamakda ýaryşyo dokardyk. Palanyla bu gün palança gyrym dokapdyr diyip ýaryşardyk, baý gyzykly bolardy. :)

Onsañam bizde öz sep halysyny õzi dokamadyk gyzy iş oñarmaýan ýalyrak görerdiler, õzem sepi dokalýan gyzyñ hökman õzi sürmelidi gyrasyny, haly iki baslykly bolaýmaly, baslygy kem urulanynam göl sygyşyndan bilýärler ýogsa, durmuşa çykañda halyñ göllerinem sanaýardylar, 20-den ýokary (24-e çenli) göl aralygynda (dyrnak gölden) sygan halyly gyz iñ abyraýlylardan hasaplardylar, 20 den kem bolsa halysy çala dokalan, ýaltarak ýaly görerdiler D)) indi nähili bilemok, belki ol zatlar galandyram))
her bir durmuşa çykjak gyzda-da azyndan iki baslykly haly, iki palas bolaymalydy))

Şoñ üçin men talypkam kanikula baramda gyrasynda oturyp halylarymy özüm dokamaga mejbur bolupdym. Baý ýadadym-a şonda:)

Örän inçe, nepis hem azaply sungat, ömrüni şol kesbe bagyşlanlara BEREKELLA, Alla kuwwat bersin diýäýmeli..

Şedewr...

Hawa, şol başynda hem soñunda salynyp, gyralarda gaýtalanmaýan bolegine "älem" diýilýär. Hemem başynda hem soñunda kakylýan ak "topragyñ" arasynda "gülleýdi" "gülýaýdy" beýleki milletleriñ halylarynda-da barmyka?! Olam gyzykly

Mango kaka açyṣyñyz mańa-da bir pikirjik berdi:
Merkezi nagyṣ - adamyñ öýi
Daṣky zolak - adamyñ ýaṣaýan dünýäsi
Onuñam daṣyndaky zolak - älem (adybir)

Öz sepimi özüm dokadym diýdiñow,aýaldogan. Etrekde ýaṣamyzda görýädim gyzlary,uly-uly gara haly dokardylar öz sepleri üçin. Arzuwçyldylar,sabyr-takatlydylar. Ejem teke haly dokardy. Biliñ köküni üzýän agyr kär. Gyzlarbatdaky aýal-gyzlary görüp her gezek haýran galardym. Olaryñ çydamlydygyny,adamsy gara tüssesinden baṣga zady bilmeỳån,geregini tapmasa ayalyny çaga
laryny satmaga kaýyl makluk bolsa-da gününe kaýyl bolup ṣol agyr sungatyñ hötdesinden gelýärdiler. Indi bir ṣol günleriñ geçdigi bolsun!

Şu wagt ýadyma düşýär: şol gyrasyny berk bolsun diýip aýlap düwülip çitilmege atabaý düwüm diýerdiler. (biz japarbaýlardankenik Ejem aýdyşyndan ýadymda)) atabaýlylar boýdan baş şeýle düwýärdimika düwümlerini bilmedim? Emma boýdan baş beýle "atabaý düwümde" çitjek bolsalar halyñ sypamy, düwüm arasy ters bolýan bolaýmaly.