15:15 Tuýglar | |
 TUÝGLAR Diýdiler: sen ýolda, ýoluňa gara, Käýdiler: hiç sürtme iliňe gara. Arş-agla arz edip, arzy geçmedik, Gahar edip gara diýýär ak gara. *** Menzil aşyp, kän gezildi dag-dere, Maňlaýymyz hem kän ezildi şor dere. Pyragynyň gamgyn gazaly deýin, Gama batýar gözel jülge Aýdere. *** Dür suwly çeşmäm sen, ýa-da tylla çaý, Arzuwly teşnäň men, kalba tylla çaý. Haýýam ýaly meni humar eýleýäň, Aý astynda içeli bir käse çaý. *** Sabrym ýetmän garaşýaryn kä güne, Seni tapman sataşýaryn nä güne?! Ýene daňa çenli adyň pyşyrdap, Seniň bilen ýetýän ýaly ak Güne. *** Adam edip, meni derde ýaradan, Indem golda her bir ýerde Ýaradan. Garasam, çar ýanym dostlam gülýärler, A meň içim doly ganly ýaradan. *** Düşürýänçäň sözleň melegin ele, Yhlas bilen sözleň elegin ele. Bir paýhasly dana aýdan ekeni, Rysk i:ner agyzdan, ýetmese ele. *** Ýazlar ýaýlalara ýazylan haly, Güller ýaňagynyň düzülen haly. Ýeller gam nemine ezilen ýaly, Ýar ýene gelmese, bozular haly. 15.12.2023 ý. © Sylapberdi MUHAMOW Surat: Aleksandr WOLKOW. Araba. 1924 | |
|
| |
| Ähli teswirler: 7 | |
şu wolkow aleksandr daýyň "arabasam" gyzykly kenaý.
 birhili öňdäki gyzyl halatly (donly) men-ä şoňa türkmen diýjek, şo gyzyl donly agamyz maşgalasyny dolamak üçin özi arabaň bir simine öwrülip duran ýaly. kompozisiýasyna görä ýaşulyň kellesi arabaň tekeriniň merkezinde ýerleşipdir. özem arabaň simi ýaly (aýlanyp duran ýaly) keseligine-de dur (45 gradusa ýakyn). arabaň üstünde-de belki gelni we gyzy otyr. olaram arabaň tekeriniň tegelek formasyna sygdyrylypdyr. arabaň tekeri - durmuş, ýaşaýyş çarhy ýaly. eşegiň üstündäkem belki iner ogly, kömekçisi. arabaň tekeri arabaň üstündäki maşgala üçin togarlanyp dur. durmuş dowam edýär... 
0
0
0
| |
