Name: Iberilmedik hat
Item: Iberilmedik hat
Author: Kyyas

Baş sahypa » » Iberilmedik hat

19:25 Iberilmedik hat
IBERILMEDIK HAT Eje, saňa gizlin-gizlin hat ýazýan, Ýöne hatym saňa gowuşman galar. Seni ýatlan çagym her gije-gündiz, Tukat gözlerime birden ýaş dolar. Men hat bilen gül iberjek bolamok, Güle hat iberjek bolýan aslynda! Ol jennet güli däl, ondan-da eziz, Çünki jennet aýagynyň astynda. Hemmeler diýýärler:"Ene mähriban!", Emma men olara goşulmaýaryn. Bir sözde kesgitläp bolmaz enäni, Müň sözde-de ony başarmaýaryn. Biz bilen agladyň, güldüň biz bilen, Hemme şaýat: sabyr käsäň dolmady. Kalbyňy parçalap, bize paýladyň, Şeýdip saňa ýüregiň hem galmady. Ejem, saňa "Seni söýýän" diýmedim, Diýmedim, söýsem-de men seni çensiz. Çensiz dilegleňde ýaşaýaryn men, Men seňki bolsam-da, ýene-de sensiz. Bu aýralyk däldir, bu hasratam däl, Artmagydyr saňa bolan söýgimiň. Eje, saňa bu ýazanlam gowuşmaz, Kemelmegin islemeýän duýgymyň... © Seýran OTUZOW
1 2 3 4 5 Bölümler: Goşgular \| Görülen: 214 \| Mowzugy paýlaşan: Çary5306 \| Teg: Seýran Otuzow \| Рейтинг: 4.8/8

Похожие материалы

Awtoryň başga makalalary

Ähli teswirler: 22
Порядок вывода комментариев: -1 1 Kyyas • 20:06, 25.01.2024 Şeýdip saňa ýüregiň hem galmady. Senin bolmaly dälmi? Howlugyp ýazylan bolmagy mümkin? 1 2 Mekan • 20:34, 25.01.2024 Gowy goşgy. Hasam 4 nji bent. 5- nji bendiñ tehnikasam bet. 0 3 Çary5306 • 20:35, 25.01.2024 @Kyýas, howlugyp okaýan bolaýma? Ýa özüň howlugyp ýazýan bolaýma? 1 4 Çary5306 • 20:38, 25.01.2024 Seýranyň özüne ýazdym:"Diňe şu goşgyň üçinem seni edebiýatyň öňünde eden ähli "günäleň" üçinem bagyşlap bolar" diýip. 0 5 Kyyas • 21:53, 25.01.2024 Hawa, men-ä hakykatdanam howlugyp ýazýan... " Şeýdip saňa ýüregiň hem galmady." Diýen sana sözüne düşünmän duramok. Meniñ ýaly çala okaýanlar ýa-da düşünmejek bolýan bardyr diýip özüme osdum. Dogry. Goşgy babatynda Seýrana berekella diýmekden başga sözüm ýok. Gowy ýazýa 1 6 Мango • 22:23, 25.01.2024 teswir 1. kyýasa. Kalbyňy parçalap, bize paýladyň, Şeýdip saňa ýüregiň hem galmady. - diýendäki "saňa" sözüni "özüňe" manysynda kabul et. biraz bulaşýan ýalam bolsa-da beýle bir nädogram däl. 1 7 Мango • 22:34, 25.01.2024 birden bu haty iberäýse seýranyň ejesine söýgüsi azalaýjakmyka?... :-) seýran oýun eden bolýa-da, öz stilinde... şeýle çöwrülenje oýunlary başgada kän eken: 1) (saňa) gül iberjek bolamok, Güle hat iberjek bolýan... 2) (sen) ...jennet güli(ndenem) ...eziz, çünki jennet (seniň) aýagyň astynda. 3) Kalbyňy parçalap, bize paýladyň, şeýdip (özüňe-de) ...ýürek ...galmady. 4) Eje, (sen ýazanlarymy okamarsyň), saňa ...gowuşmaz, (sebäbi) kemelmegin islemeýän duýgymyň... uly harplar bilen ýazsam, BATLY SES bilen diýdigim: GATY GOWY, DIRI BIR GOŞGY... BEREKELLA! (seýrandan düşnüklije goşgyny ilkinji gezek okaýan) 1 8 garagar • 22:43, 25.01.2024 Awtoryň Seýran Otuzdygyna ynanmadym. Haçan ýazylanka bu goşgy. 0 9 Çary5306 • 22:49, 25.01.2024 student döwri ýazylan goşgy 0 10 Çary5306 • 22:50, 25.01.2024 @garagar, ýene bir gezek geleňde "ýalňyşlaň üstünde işlemegem" öwredip gitmeseň, halys düzedip bilemok 1 11 Nurdаn • 22:58, 25.01.2024 Düzedildi Çary aga! 0 12 Çary5306 • 23:14, 25.01.2024 @ Medical, size-de minnetdar! Birinji gezek adyňyzy ýalňyş ýazanyma-da utanyp ýördüm... 0 13 garagar • 23:15, 25.01.2024 bolar, agam! 1 14 Medicall • 23:32, 25.01.2024 Ýok-la, Çary aga, men-a klawiaturañ "günäsidigine" düşündim, ýöne şü beýleki okuwçyla ýamman garagol, klawiaturañ ýalñyşydygyny bilselerem derrew bellik ediwotyllar)) 1 15 Medicall • 23:34, 25.01.2024 Seýrandäde! Seret! Beter üýtgeşik, awadan goşgyña Mango suwroty ýaman awadan edip ýasapdyr!)) 1 16 sussupessimist • 09:22, 26.01.2024 gaýtam bu goşgusynda entek Seýran (seýranizmler) ýok ýaly. Ir ýazylandygy bildirýär 0 17 Pegas • 09:57, 26.01.2024 Seýran agany şu goşgusy bilen tanapdym ilki. 0 18 Çary5306 • 10:27, 26.01.2024 Maks, Seýranyň prozasyndaky "seýranizmler-ä" bilemok, ýöne şu goşgusynda-da eýýäm onuň özgeleriňkiden üýtgeşik stilli bir awtor bolup ýetişdjeginiň признакларыны duýmak bolýar. Tapsam, onuň "Uzakdaky dostuma" goşgysynam goýjak! (Pozulşykda olam pozulypdyr). Tapsaň-a, özüň goýaý. Ýogsa-da, ol #Pegasda bolmalymyka diýýän 1 19 Мango • 10:40, 26.01.2024 teswir 19-a o goşgy bärde bar. "uzakdaky dosta" 0 20 Çary5306 • 10:43, 26.01.2024 Bar bolsa, şonam täzeden öňe geçiräýmeli (mümkin bolsa), Seýranyň ösüş we üýtgeýiş prosesini yzarlar ýaly. 0 21 Seýrаn • 10:44, 26.01.2024 Çary aga, hoş gelipsiňiz. Ýazýanlaryňyzy yzarlaýandyryn. Line, Galamdaşda hem okaýardym. Sag boluň! 0 22 Мango • 10:45, 26.01.2024 öňe geçirdimem welin, ondan öňküler ony ýokaryk göýbermän dur (dil düwüşip)... ýene-de baş sahypada biraz aşakrakda dur... Nurdan hanym ýokary galdyar gelse...

запомнить
Забыл пароль \| Регистрация

E-mail:
Пароль: