Kän sorag çykardaý bu goşgy…
Bu ýerde “oňatlyk eken” diýilmegi ironiýamy, ýaňsymy?
Birinji kupletde: “Bakdym, dünýäñ ýüzi oñatlyk eken” diýse-de yz ýanyndan “Ý:az diýen günlerim doñaklyk eken” diýýäň. Oňatlyk bilen doňaklyk sazlaşýar diýäýmeseň pikirlerde-hä gapma-garşylyk bar ýaly.
—-
Herne umyt bilen ýetdik bu hal-a,
Keramatyn diläp hakly Keremiñ.

Keramat - welileriň görkezýän adatdan daşary ýagdaýlary…. Emma Allahyňky - gudrat.
Kerem - Allah barada aýdýaň, ýöne “hakly Kerem” diýmegiň birhili…
—-
Meni oda däl-de yşga ýakdylar.

Yşga ýakdylarmy? Yşga öz erkiňe düşensiň ahyry, ony başgalardan görüp, başgalary günäkärleýän ýaly duýulýar.
Yşga düşseň - yşkda ýanmaga razy bolmaly.

—-
Bahana diýildi ähli sebäbe,
Kalbyma gussalar bolupdyr hekem,
Bir dellal tapmadym elek eläre,
Bakdym dünýäñ ýüzi oñatlyk eken...

Hekem, häkim - sudýamy?
Dellal hem - (bir söwda-da, ýa bir işde hakyny alýan, peýdasyny görýän) araçymy?

Gussalar kalbyma sudýa boldy…
Araçy tapmadym elek eläre…

Soraglar, soraglar, soraglar….

del‧lal
[della:l]

Alyjy bilen satyjyny razylaşdyrýan, ylalaşdyrýan adam, söwda arasynda gezýän adam.

Ýarmarkalarda dellallaryň bolmagy zerur bolupdyr. (Orta asyrlar taryhy)

Olar potratçylaryň, dellallaryň, töreleriň, ýene kimleriň syk eleginden elenip, dänesi olaryň holtumlaryna gidýär. (B. Kerbabaýew, Aýgytly ädim).

he‧kem
Könelişen söz Öý, jaý, mesgen.

Sopy pessejik hekemine çykyp, töweregine göz gezdirdi. (B. Kerbabaýew, Aýgytly ädim)

Elguş oturar ýaly ýörite edilen sokudaş görnüşli beýiklik.

Niçe ýyllar baýguşlara hekem boldy ol haraba! (Çary Aşyr, Poemalar).

Kalbyma gussalar bolupdyr hekem…

Hekem - öý, jaý, mesgen bolsa, onda “gussalar kalbymy öý edindi” manyny berýämi ýokarky setir?
Kalbyma gussalar bolupdyr “mesgen”…
Tersiräk, hä…?

—-
Bir dellal tapmadym elek eläre…

Bu ýerde-de dellala mätäçlik barmy?

Bagtymyñ nobaty ýetenok häli
ýa-da
Kalbyma gussalar bolupdyr hekem - diýen setirler aňkasy aşyp giden setirler-dä. Awtoryň bu setirleri aýtmak bilen maksady nämekä?! Okyjyny waheýýýý diýip gynandyrmakmy ýa-da özüniň näşükürligini ýüze çykarmak. Bu ýagdaýa hiç gowy däl-de, gadyrdan awtor.

Baýram gardaş, men seniň şahsyýetiň-ä doly tanamok. Ýöne goşgularyňda ýersiz ýere elewräp ýörşüň-ä hiç gowy däl-aý. Näme aladaň bar, başyň haýsy gowgaýa düşdi beýle. Ýaş halyňa gussa-gam, dert-elem... Özüňe nebsiň agyrmaýarmy?! Türkmen poeziýasyna nebsiň agyranokmy?! A ýakyn garyndaşlaryň, okyjylaryň näme pikir edýändir öýdýäň?!
Ýaz diýen günlerim doňaklyk diýýäň-ä. Ýalňyş pikir şu-da. Ynsanyň öz görşüne, gözýetimine görä. Biz-ä bu dünýäni ýaz pasly, güllere çümen ýaýlalary bilen görýäris. Kalbymyzda hem dünýäniň gowy taraplaryny görmäge bolan ynamymyz ýaşaýar.
Belki-de, sen ýürekden ýazýansyňam, ýöne edil maňa sen özüň hökmünde goşgularyňda ýaşamaýan ýaly, duýmaýan ýaly, ýöne häki bir ýazmagyň hatyrasyna çyrşaýan ýaly görünýär.
Belliklerimden gaty görmäge-de hakyň bar. Baş üstüne. Ýöne biziňkä bir aýtmak. Näme ýazsaňam, nähili ýazsaňam ertirki gün utanjagam, buýsanjagam ýene-de özüňsiň gardaş! Çünki ol goşgularyň gepsoňusynda seniň at-familiýaň durýar ahyryn...

Awtor gussa cekip yazmaly diýen düşünjä eýerip ýazýan bolaýmasa. Zol-zol gussa çekip bolmansoň, çekýăn ýaly bolmaly bolýan bolmaly. Goşgynyñ çyn goşgy bolmagy üçin seniň özüňem çyn bolmaly bolýaň,alaç ýok başga.