19:01 Pikir / Çözgüt | |
 ㅤㅤㅤㅤㅤㅤㅤㅤPIKIR Men — dünýäde ýiten gowak, Dünýä — mende ýiten ada. Duýgularym kalba gonak, Umydymda öçmez wada bolsa-da, ýetermi dada?! Sada günler tagam-dada dolmasa, düşerler oda Ýa-da ㅤㅤýadym ýada döner, Belki, älem, ㅤㅤㅤㅤpälem däner... Pikirleriň saçy kelte, Bolmasyn ol goňak-goňak. Bilmen, şu günmi, erte Haýsymyza ýeter gezek. Belki, maňa, ㅤㅤㅤbelki, saňa Belki, daňa, ㅤㅤㅤbelki, tüne... Barybir giderin mundan, Ýüregmi şygrymda goýup, Meni öz şygrymda goýup, Jahandan doýmankam doýup, Bolman müň aglap-gülünse, Arkaýyn gezer ömürem, Oňam aladasy ýetik. (Ah, men işýakmaz diýsänim...). Adada gowak görünse, Ne başararyn men gidip... ㅤㅤㅤㅤㅤㅤㅤㅤÇÖZGÜT Men özümi gözläp, azaşdym öýdýän, Nirede sen, meni gussa goýan men? Deň bolduňmy ýa bir ünjä, Reň bolduňmy ala üljä, Heň bolduňmy gülli gülkä? Gün kän... Gel-dä! Amanat berlen eýäňi gör-äý! Ýogsa-da: «Men bärde!» diýip seslen-äý! Ynan, hiç zadam diýjek däl, Degjek däl göwnüňe, goýjak günüňe. Ýörjek däl men indi özümi tapman, Men menli ýaşamaly durmuşda hökman. Bakman özgeleriň başga biriniň menin Ogurlap ýaşaýşyna, Dogrulap ýasaýşyna. Gör sen şony! Gel sen, hany! Ýogsa, özüm özüme ýat, Ýadadym men başgalary gaýtalap. Ynanýan, ahyr taparyn, Ýitirmedik ýalňyz menim. Ýüregimde dözüm bolup, Akyl başda düzüm bolup, Aýranynda ýaşmagyny. Bilýärin, bilýän, barybir Men men bolup, özüm bolup Ýaşamaly! © Nury SAKÇYÝEW | |
|
| |
| Ähli teswirler: 6 | |
|
| |
