03:39 Sendiñ-ä | |
| SENDIŇ-Ä Bagtyñ gözlerine siñe, Bakyp gözlänim senmi ýa?!, Çeşmeden öwrülip sile, Akyp gözlänim senmi ýa?!. Dilimde dişläp adyñy, Zeýrenje öwrüp dadymy, Köñül törümde oduñy, Ýakyp gözlänim senmi ýa?!. Dolduryp köñül boşlugmy, Görýärmiñ?, niçik hoşlugmy!, Ömürden gizläp ýaşlygmy, Bukup gözlänim senmi ýa?!. Senmidiñ şol gijelerne, Daşym gurşanda ýekelik, Baş bermeýän sarç göwnüm, Göwnüñ dyzyna çökeren. Çagşan duýgularmy düzmän, Umytdan umydym üzmän, Ýakyny uzakdan gözlän, Asyl günäkär menmi ýa?, Ah ýöne gijiräk duşdyñ, Ýogsa gözlänim sendiñ-ä... © Baýram BEJIDOW | |
|
| |
| Ähli teswirler: 1 | |
|
| |
