09:04 Watanym | |
| WATANYM Özümi bagtyýar duýsam, Buşlap,ýellere gygyrdym. Elwan güllere gygyrdym. Guşlara elimi bulap, Päk asmana guçak gerdim. Şeýdip,seniñ parçalañdan Bitewligñi tapdym,Watan! Men nirede,näme etsem, Synçy didäñ bakdy,Watan! Duýgularmy derýalaryñ Tolkunlarna sözleýärkäm, Gijeleñde pelsepäniñ Ýumagyny çözleýärkäm, Her künjüñden gözelligiñ Bakyşyny yzlaýarkam, Men saña aşyklygymy Bilmän söýüp ýör ekenim. Dag-düzüñe aşyk bolup, Ýaz-güýzüñe aşyk bolup, Paýlaşmak isläp syrlarmy, Her bölegñi syrdaş bilip, Şeýle eziz görüpdirin. Söýüp her künjiñi, Watan, Añymda sen kemal tapdyñ. Boýun alýan hem baş egýän, Çünki senden bagtym tapdym. GAÝYN PEDERIM Gelinlerni öz gyzy deý eý görüp, Giñden guçak geren gaýyn pederim. Agtyklarnyñ didaryny görende Bagtdan guş deý uçan gaýyn pederim. Alada ýugrulan pikir-hyýaly, Käte gaharlansa,dözümsiz haly, Ýagşylygyñ guly,perişde ýaly Başyndan kän hupbat geçen pederim. Ýadymda,kejebäñ öñünde çykyp, Alnymdan öpüpdiñ,katra ýaş döküp, Şatlykdan sil kimin barýardyñ akyp, Şonda ynamyñy duýdum,pederim. Agzybir maşgalañ çekip başyny, Buýsanç bilen galdyrýarsyñ başyñy, Agtyklaryñ gallan wagty daşyñy, Gözleriñde gördüm uçgun,pederim. Ir oýanar,sabañ gaýmagyn içer, Ýagşa ýakyn,ýamanlykdan daş gaçar, Bir iş etse,maslahatly don biçer, Il üçin bähbitden geçen pederim. Ykbaldan altmyş ýaş paýyñy alyp, Uzak ýaş dileýäs maşgala bolup, Hormatyñ,abraýyp mundanam galyp, Ykbala ýagşy paý düşsün,pederim. Garagum žurnaly,2018-nji ýylyñ 3-nji sany | |
|
| |
| Ähli teswirler: 6 | |
|
| |
