15:01 Ýalbaryş | |
ÝALBARYŞ  Maňa daglaň depesinden uç diýme, Daglaryň düýbüniň ownuk daşy bar. Daglaň owranşyny görkezme maňa! Daglaň ownaýşyny görkezme maňa! Ummanlaň üstünden uç diýme maňa, Ummanlaň düýbüniň merjen daşy bar. Ummanlaň ýygşyran dürün görkezme! Ummanlaň ýygşyran dürün görkezme! Bulutlaň üstünden uç diýme maňa, Bulutlaň içinde tozan bar, tot bar. Bulutlaň kesegi ýygşyrşy başga, Bulutlar — keseki, bulutlar — başga... Sähranyň üstünden uç diýme maňa, Elbetde sährada kesek ýok, daş ýok. Sähranyň merjenem gülleň üstünde, Sähranyň tozanam gülleň üstünde, Şonda-da, Sähranyň üstünden uç diýme maňa, Sähranyň saralyp-solşun görkezme! Sähranyň meniň deý bolşun görkezme! Maňa al-asmanda pel-pelläp dur DIÝ! Maňa al-asmanda pel-pelläp DUR diý! 28.06.2008ý. | |
|
| |
| Ähli teswirler: 0 | |