Name: «Meniň salgym umyt bilen gorkynyň...»
Item: «Meniň salgym umyt bilen gorkynyň...»
Author: Мango

Baş sahypa » 2023 » Декабрь » 6 » «Meniň salgym umyt bilen gorkynyň...»

14:29 «Meniň salgym umyt bilen gorkynyň...»
«MENIŇ SALGYM UMYT BILEN GORKYNYŇ...» Meniň salgym umyt bilen gorkynyň Kesişýän nokady, Tenha çatmadyr. Köp gezdim, Şu dünýäň — aý, şu artybyň Şundan rahat künjegini tapmadym. Eýelidi baran ýerlermiň bary, Gowak tapdym, Ýöne ýedi welileň Gürrüňi eşdildi şeýle bir zaryn, Düşünip başladym öli dile men. Yzyma it salyp kowmady olar, Emma sygjak däldi göwnüm gowaga. Kireý sorap, juda ownady olar, Ömrüm üçin bergidardym owalam. Kenarda oturyp, diň saldym suwa, Balygyň garnynda ente kitabyn Okap otyr Ýunus, elimi ýuwa, Gaýtdym, galmady meň etmedik zadym. Toýdan kowdy ýaranjaňlar, ýasawul, Haraba — baýguşa berlen sadaka. Ýeriň asty Hoja Ahmet Ýasawyň Menzilidi, diri girmek gadagan. Eýeländir, barsam, metjidem eýýäm Hakyň däl-de, bähbidiniň gullary. Aýlanyp-dolanyp, netijede, men Çatma dikdim çatrygynda ýollaryň... Irden dertdeş Bilal gelýär ýanyma, Käte giçlik ajal gepleşýär gelip. Şundan rahat jaý tapmadym janyma, Salgym: umyt — gorkyň sepleşýän ýeri... © Orazmyrat MYRADOW
1 2 3 4 5 Bölümler: Goşgular \| Görülen: 105 \| Mowzugy paýlaşan: sussupessimist \| Teg: Orazmyrat Myradow \| Рейтинг: 5.0/5

Похожие материалы

Awtoryň başga makalalary

Ähli teswirler: 7
Порядок вывода комментариев: 0 1 Мango • 15:02, 06.12.2023 goşgam gowy eken welin, adresiňi dogry belli edipsiň, dogry ýerde durupsyň. gorky we umyt arasy. 0 2 sussupessimist • 16:07, 06.12.2023 Menem siziň bilen duldegşir goňşy... 0 3 Mekan2 • 16:23, 06.12.2023 men, umyt tarapdan geleňde, birinji syrgynda... biri ba®dy, 24 ýyllap töweregimzde köw-söw edip, soňam gürüm-jürüm boldy. ne palatka dikindi, ne-de bir çatma. (düşünmediklere: haýatly hekaýa: kakdyrma) 0 4 Мango • 12:32, 07.12.2023 şu goşguda köp zat... "musulman gorky bilen umyt arasynda bolmalydyr" - bu hadys bolmaly. --- gowaga gizlenen 7 weliler. (ýöne "Kireý sorap, juda ownady olar" diýenine düşünmedim). --- Ýunus a.s.-yň balyk garnyndaky dogasy. şeýleräk bolmaly (ýalňyşmasam): "Lä ilähä illä, ente subhaneke, inni küntu minel-zalimin". bu dogany kynçylyklarda okamamagy maslahat berilýär. --- umuman Orazmyrat daýy gowja ýazýar. 0 5 Nurdan • 13:04, 12.12.2023 Ine Orazmyrat Myradowyñ bu goşgusy welin GOWY! çynym bilen haladym. Aslynda halap okaýan awtorym bu, öñ özümem paýlaşyan terjimelerini, makalalaryny. Emma mañzyma batmady, göwnüme girmedida beyleki goşgusynda aýtjak bolan zadyny edip aýdyşy))) 0 6 Pero • 13:21, 12.12.2023 Ayaldogan,liçkañy okaý 0 7 aygull • 15:14, 12.12.2023 Birinji topbagy jemleme edäŷseň-dä...

запомнить
Забыл пароль \| Регистрация

E-mail:[]
Пароль: