Özboluşly žanr boljak - surat eserlerini, klassyky şahyrlaň eserlerini häzirki zaman dilinde gepletmek.
Täsin hem gyzykly zat boljak ekeni.
Hudaý bar, Magtymgulyň şygry hakyndaky oýlanmaňy ilki Magtymgulyň goşgusy baradadyr öýtmändirin. Ilki pikir etdim: "kapyýalaşdyrylan kyssa (saj) görnüşinde ýazylan zat öýdýän" diýip. Soňam Magtymgulyň şygry hakynda oýlanma bolup çykdy.
Intrigajyk özüneçekiji bolýar.
Pikassoň suraty baradakyňam birhilijek täsinligi bar.
Ikisinem men-ä haladym.
Megerem, täzeçilligi şeýdip getirmelidir. Biziňki ýaly kelle döwüp, kösenip däl-de, ýüzüň ugruna, el hem dilujundan (Bu diýdigim zähmetiňe kembaha garajak boldugym däl. "Белая зависть" diýýäler-ä, orus gardaşlar. Aslynda, döredijilik adamlary şu pisint bolýarlaram. Hemme gowy zatlary diňe täk özleri ýazasy gelýär. "Hemme toýda öýlenýän, hemme ýasda jaýlanýan" diýilýänine meňzeşräk. Ýöne o däl :-))

Hezreti Ali 10 ýaşynda özbaşdaklygy, öz akly, erki bilen yslamy kabul etdi we ilkinji iman eden çaga hasaplanýar.
ýazgyň özeni gysgaça şu.
täzelikkeri garrylardan ýaşlar gowy kabul edýär.
ýene has gysga - reformalara garrylardan däl-de ýaşlardan garaşmaly.
garrylar - hereketsiz kub (konserwator)
ýaşlar - hereketli şar (reformist)
ýöne, reformaçylara elmydama kyn bolýar. Dagy näme şaryň üstünde durmak aňsatdyr öýdýäňmi? :-)
—-
teswirleriňe minnetdar Serdar kaka.

Mongoñ gaýybana elini gysýan.

Ýerşaram togalak. Muñ üstünde de "dek" durmaly däl bolmaly.

Pikasso bahana. Awtor başga zat diýýär (edil Gernikadaky ýaly).
Diýýäni dogry we gyzykly.

Pikiriň bilen ylalaşman durmaýan. Täzelik döredilse häli-häzirlerem ownuk ýerlerine gözleri kaklyşyp, ullakan suraty göresi gelmeýänler ýa-da kabul edip bilmeýänler ýa-da kyýamat goparýanlar ýa-dalar bar.

dok durmaly, munuň üçin dik durmaly.

Temany özüne çekiji edip gozgapsyň, Mango. Berekella. Reforma bilen ýakyndan gatnaşýaň senem. Gapyňam açyk.

täzelikkeri garrylardan ýaşlar gowy kabul edýär.

Sebäbi garrylar geçmişe seredyär, yaşlar – geljege.

geljege däl-de geçmişe serdeýän garrylary öňler daga äkidip zyňyp gaýdýan ekenler.
oňa düşünseň bolýar welin... ine geljege garamaýan ýaşlary näme etmeli?

Mango dost!

Suratdaky gyzjagaz hereketi, beýleki hereketsizligi, gyz – oýun-galmagal-gowgany, beýleki – huzury, gyz – dinamikany, beýleki – statikany alamatlandyrýan bolmagy mümkin.

Emma Siz şundan ugur alyp, haky tutuşlygyna gyzjagaza berip, beýlekini hakdan mahrum etmekçi bolsaňyz bu ýöntem bolsa gerek. Hakykat has çylşyrymly. Hakykat kä şarda tans etmekde, kä gaýa ýaly oturmakda. Hezreti Isanyň “Hakykatyň ýarysy Mariýada, beýleki ýarysy Marfada” diýşi ýaly, bularyň hem hijisini hakdan mahrum etmek bolmaz.

Gyzjagazyň bir özi tomaşa görkezip bilmez. Ony göge zyňyp-gapmak, bir elde götermek, garaz, ýelek ýaly gaýdyrmak üçin beýleki ýumry pyýada gerek, onuň kuwwaty gerek. Ol pyýada kebelek ýaly gaýyp bilenok, ýöne gyzjagazam ony göterip zyňyp bilenok. Ikisi bilelikdäki hereketli oýny emele getirýärler. Şonuň ýaly, hereket hem sukunat – ikisi durmuşy emele getirýär. Diňe hereketem, diňe sukunat-huzuram durmuş däl. Tebigatda, jemgyýetde, bedende, aňda – hemme ýerde ikisem gerek. “На свете счастья нет, но есть покой и воля” – kimiň diýenini özüň bilýärsiň.

Musulmanlar hem tükeniksiz öňe gitseler durmuşda orun almazdylar, состояться edip bilmezdiler. Olar hem öz missiýasyny bitirenlerinden soň ýerde ornaşdylar. Musulmanlar öň oppozisiýady, soň häkimiýet boldular, ilki ýurtdan kowlanlardy, soň ýurtdan kowujylar boldular, ilki gozgalaňçydylar, soň gozgalaňy basyp ýatyryjylar boldular, ilki gullary azat edijidilerdi, soň özleri gul eýeleri boldular. Hereket – huzur, hereket – huzur, hereket – huzur... durmuş şeýdip gidýär. Biologiýada diňe üýtgeýjilik bolup, nesle geçijilik bolmasa nähili bolardy?

Umuman, hereket bilen huzuryň dialektiki gapma-garşylygy we birligi barada pikirlenip görsek, gyzjagazyň absolýut hereketi, beýlekiniň bolsa absolýut hereketsizligi aňlatmaýandygyna düşüneris. Gyzjagaz aýagy bilen şary göterip oýnanok, gaýtam kä bir aýagynyň agramyny şaryň bir tarapyna, kä beýlekisini şaryň beýleki tarapyna salyp, huzur gözleýän ýaly, agramyny ýere atýar. Arasynda sekuntlarça-da bolsa, balans tapyp, beýlekiden beter gowşaýar. Beýleki hem pörküldäp diwanda ýatanok, ol hem dik oturmak üçin muskullaryny tijäp, hereketde otyr. Ikisinde hem hereket-de, hereketsizlik-de bar.

Mekgäniň müşrikleri we musulmanlary barada-da şeýle. Müşrikler köne däpleri demir ýaly gorap saklaýjylar däldi. Tersine, olar günbe-günden azyp, wizantiýalylaryň we beýleki hristianlaryň ýa-da özlerinden beter müşrikleriň täsiri bilen başga ýollara düşýärdiler. Gaýtam musulmanlar täze pygamber getirselerem, hakykatda olar Ybraýymyň hak dinine dolanmagy ündäp, arap jemgyýetini üýtgemekden gorap saklamagy maksat edindiler. Häzirem yslam – iň konserwatiw din, hiç hili reformany kabul edenok.

pikirleriňiz gyzykly, Ýaran kaka.
minnetdar.
gaty ir ýazylan pikirlerdi bu.
täzeçillikde garrylar we ýaşlar meselesini gozgadygym...